Шарттары

Байқау қатысушылары: қатысушылар жас санаттары бойынша екі топқа бөлінеді

• Кіші топ - 6 жастан 11 жасқа дейін (01.07.2010 жылдан бастап 30.06.2016 жылға дейін туған балалар);
• Жасөспірімдер тобы - 12 жастан 15 жасқа дейін (01.07.2006 жылдан 30.06.2010 жылға дейін туған балалар).

 

1-кезең (Іріктеу)

• Жас орындаушылар дәстүрлі күйшілік мектептер арасынан өз бетінше таңдалған екі күйдің орындауын бейнежазбаға түсіріп, өзінің YouTube және Instagram парақшаларында жариялауы керек;
• 2022 жылдың 10-31 қаңтар аралығында жас орындаушылар сайт парақшасындағы сауалнаманы толтыру қажет;
• Сауалнамада міндетті түрде YouTube және Instagram парақшаларында жүктелген бейнежазбаның сілтемесін көрсету керек.

Ескерту:

• Әр қатысушы бейнежазбаның басында «Домбыра-Дастан» жас домбырашылар байқауына арналған бейнежазба деген кіріспе сөзді айтуы міндетті;
• Бейнежазбаның астына қатысушының аты-жөні, орындайтын күйлердің атауы мен авторлары жазылады. Қатысушы күйлердің атауларын ауызша айтса да болады;
• Бейнежазба монтажсыз жазылуы тиіс (бір күйді орындап болысымен тоқтатып, келесі күйді жазуға болмайды, яғни бейнежазба бір дубльмен жазылуы керек);
• Бейнежазбада артқы фонның жинақылығы мен қатысушы киімінің ұқыпты академиялық үлгіде болуы ескерілгені жөн;
• Бейнежазба жарияланған парақша ашық болуы керек.

 

2-кезең (Жартылай финал)

Кіші және жасөспірімдер топтары үшін:

• Бір төкпе күй;
• Бір шертпе күй.

Бұл екі күй тізімде берілген дәстүрлі күйші-композиторлардың күйлерінен қатысушының қалауы бойынша таңдалады.

 

Төкпе күй дәстүрінің күйші-композиторлар тізімі:

• Құрманғазы;
• Сейтек;
• Дәулеткерей;
• Дина;
• Қазанғап;
• Мұрат Өскінбаев;
• Шал Мырза;
• Әлшекей.

 

Шертпе күй дәстүрінің күйші-композиторлар тізімі:

• Байжігіт;
• Тәттімбет;
• Сүгір;
• Дайрабай;
• Төлеген;
• Боранқұл;
• Қыздарбек;
• Қожеке.

2-кезең Алматы, Атырау, Астана және Шымкент қалаларының үздік концерттік залдарында офлайн-тыңдау форматында өтеді. Бұл айналымда сайыстың ақтық кезеңіне өтетін қатысушылар анықталады.

 

3-кезең (Финал)

Тыңдау нәтижелері бойынша қазылар алқасы финалистердің дайындық деңгейі біз ойлағаннан жоғары деген пікірге келді, сондықтан финалистерге арналған бағдарламаны өзгертті.

Күй тізімі төменде.

Кіші топ үшін:

1. Міндетті бір күй (төмендегі тізімнің ішінен таңдап алу керек):

• Құрманғазы “Балбырауын”;
• Құрманғазы “Адай”;
• Дәулеткерей “Көроғлы”;
• М. Өскенбаев “Жеңіс”.

2. Ерікті күй (өз қалауы бойынша 1 күй орындау керек).
 

Жасөспірімдер тобы үшін:

1. Міндетті бір күй (төмендегі тізімнің ішінен таңдап алу керек):

• Құрманғазы “Серпер”;
• Құрманғазы “Төремұрат”;
• Түркеш “Байжұма”;
• Жантөре “Шалқыма”;
• М. Өскенбаев “Өрен”;
• А. Жайымов “Еркін елім”.

2. Ерікті күй (өз қалауы бойынша 1 күй орындау керек).

3-кезеңде финалға өткен қатысушылар және Қазақстанның музыка мәдениетіне еңбегі сіңген қайраткерлер өнер көрсететін гала-концерт өтеді.

Концерт қорытындысы бойынша екі топтың әрқайсысынан төрт жеңімпаздан анықталады.

ЕСКЕРТПЕ!

Қазылар алқасының шешімдері түпкілікті болып табылады және қайта қарауға жатпайды.

Қатысушылардың жіберілген бейнероликтері және тыңдау барысында түсірілген фото-видео материалдар Ұйымдастырушының әлеуметтік желілерінде, www.saby.kz және www.dombyradastan.kz сайтының парақтарында жайғастыруға құқылы.

«Домбыра-Дастан» байқауына қатысу арқылы Сіз жоғарыда көрсетілген ережелер мен талаптарға келісіміңізді автоматты түрде беріп отырсыз!